ಅಂಗೈಯಗಲದ ಕಥೆಗಳು

೧. ಮೀನು ಹಿಡಿಯಲು, ಗಾಳದ ಜೊತೆ ನದಿ ತಟಕ್ಕೆ ಹೋಗಿದ್ದ. ಸಂಜೆಯಾದರೂ ಬಾರದೇ ಇದ್ದಾಗ ಹುಡುಕಾಟ ಶುರುವಾಯಿತು. ಉದ್ರಿಕ್ತ ಮೀನುಗಳೇ ಸಾಯಿಸಿವೆ ಎಂದು ಪೊಲೀಸರು ದೂರು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದರು. ಈಗ ಕೊಲೆಗಾರ ಮೀನು ಸಿಗುವುದು ಕಷ್ಟವೆನ್ನುತ್ತಿದ್ದಾರೆ!!

-------------------------------------------------------------------------------------------
೨. ಮಳೆ ಬರುವ ತಯಾರಿಯಾಗಿತ್ತು. ಆಟವಾಡುತ್ತಿದ್ದ ಮಗುವೊಂದು ದೂರದಲ್ಲಿ ನಿಂತಿದ್ದ ತಾಯಿಯೆಡೆಗೆ ಹಾದಿ ತುಳಿದಿತ್ತು. ಆದರೆ ಅರ್ಧ ದಾರಿ ಬರುವಷ್ಟರಲ್ಲಿ ಜೋರಾಗಿ ಅಳಲಾರಂಭಿಸಿತು. ಏನೆಂದು ಗ್ರಹಿಸಲಾಗದೆ ತಾಯಿ ಕಂಗಾಲಾಗಿ ಹೋದಳು. ಸವೆದ ಚಪ್ಪಲಿ ಹಾಕಿಕೊಂಡಿದ್ದ ಮಗುವಿಗೆ, ಇನ್ನಷ್ಟು ದೂರ ಓಡಿದರೆ ಕಾಲು ಸವೆಯಲು ಶುರುವಾದೀತೆಂಬ ಭಯ ಕಾಡುತ್ತಿತ್ತಂತೆ.
-------------------------------------------------------------------------------------
೩. ಆಕೆ ಡಾನ್ಸರ್, ರಿಯಾಲಿಟಿ ಷೋವಲ್ಲಿ ಕೋಟಿ ಬಾಚಲು ಅದ್ಭುತ ಪ್ರದರ್ಶನ ನೀಡುತ್ತಿದ್ದಳು. ನಾಡಿನೆಲ್ಲೆಡೆ ಅಭಿಮಾನಿಗಳ ಬಳಗವೂ ಬೆಳೆದಿತ್ತು. ಆದರೆ ಓಮ್ಮೆ ಅವಮಾನವಾಗಿ, ಆಕೆ ಕೂಗಾಡಿದ ದೃಶ್ಯಗಳು ಬಿತ್ತರವಾಗಿದ್ದವು. ಇದರಿಂದಾಗಿ ಕಣ್ಣೀರೇ ಹಾಕದವಳು ಮಾನಸಿಕವಾಗಿ ನೊಂದು ಹೋದಳು. ಮೊನ್ನೆ ಅವಳ ಆತ್ಮಕ್ಕೆ ಶಾಂತಿ ಕೋರಿ ಮೌನ ಪ್ರಾರ್ಥನೆ ನಡೆಯಿತು.
------------------------------------------------------------------------------------

Comments

ಇಬ್ಬನಿ

ಮುಂಜಾವಿನ ತೆಕ್ಕೆಯೊಳು ಹಸಿರುಟ್ಟ ಭೂರಮೆಯ ಒಡಲಲ್ಲಿ ಹನಿಯುತಿವೆ ಹನಿಗಳು ಸಾಲು ಸಾಲಾಗಿ... ಮರ-ಗಿಡಗಳ ಎಲೆಗಳ ಮೇಲೆ ದೃಶ್ಯವಾಗುತ್ತವೆ ದಣಿದ-ಮಣಿದ ಮೈ-ಮನಕ್ಕೆ ಜೀವ ತುಂಬುತ್ತವೆ ಪನ್ನೀರ ಪಸರುತ್ತಾ... ಅಲ್ಪಾಯುಷಿಯಾದರು ದೀಪದ ಬುಡ್ಡಿಯಂತೆ ಉದಾರ ಗುಣ ಚಳಿಯನ್ನೂ ಲೆಕ್ಕಿಸದೇ ಅವಿರತ ದುಡಿಮೆ... ಬೆಳಕಿನ ಪರದೆ ಸರಿದಂತೆ ಮತ್ತಷ್ಟು ಮೆರುಗು ಕ್ಷಣಮಾತ್ರದಲ್ಲಿ ಜೀವದ ಹಂಗು ತೊರೆದು ಮಂಗ ಮಾಯ... ತನ್ನ ಶಾಂತ ಚಿತ್ತ ಸೌಮ್ಯ ಸ್ವಭಾವ ಮತ್ತೆ ಹುಟ್ಟಲು ಕಾರಣ ಇಬ್ಬನಿ ಇರಿಯುವುದಿಲ್ಲ ಇಹ-ಪರರ ... ದೀವಟಿಗೆ by Sandeep Phadke is licensed under a Creative Commons Attribution-NonCommercial-NoDerivs 2.5 India License .

ಮುಂದೆ ಓದಿ »

ಯುವ ಜನತೆ ಮತ್ತು ಸಾಮಾಜಿಕ ತಾಣಗಳು

ಸಂ ಪರ್ಕ ಮಾಧ್ಯಮಗಳು ಒಂದೆರಡಲ್ಲ,ಹಲವು ಬಗೆಯವು.ಅನಾದಿಕಾಲದಿಂದಲೂ ಇಂತಹ ಮಾಧ್ಯಮಗಳು ಜಾರಿಯಲ್ಲಿವೆ. ಕಾಲ ಬದಲಾದಂತೆ ಶೀಘ್ರ ಸಂಪರ್ಕ ಕಲ್ಪಿಸಬಹುದಾದ ಸಾಧನಗಳು ಬರಲಾರಂಭಿಸಿದವು.ಇಂದಿನ ಈ-ಮೇಲ್,ಸಾಮಾಜಿಕ ತಾಣಗಳು (ಫೇಸ್ ಬುಕ್,ಟ್ವಿಟ್ಟರ್..) ಪ್ರಚಲಿತ ಸಾಧನಗಳು.ಆದರೆ ಸಾಂಪ್ರದಾಯಿಕ ಪತ್ರ ವ್ಯವಹಾರಕ್ಕೆ ಇದ್ದ ಗೈರತ್ತು ಈ ಮಾಧ್ಯಮಗಳಲ್ಲಿ ಕಾಣುವುದು ಕಷ್ಟ.ಆದರೆ ಹೊಸತನಕ್ಕೆ ಅಂಟಿಕೊಳ್ಳುವ ಅನಿವಾರ್ಯತೆ ಬೇರೆಯದೇ ಪ್ರಪಂಚಕ್ಕೆ ಕರೆದೊಯ್ಯುತ್ತವೆ.ಎಲ್ಲೋ-ಎಂದೋ ಭೇಟಿಯಾದವರು, ಯಾವುದೋ ಊರಿನಲ್ಲಿರುವವರು ಹೀಗೆ ಹತ್ತು ಹಲವು ಕಾರಣಗಳಿಂದ ದೂರವಾದವರನ್ನು ಹತ್ತಿರಕ್ಕೆ,ಸದಾ ಸಂಪರ್ಕದಲ್ಲಿರುವಂತೆ ಮಾಡುವ ಛಾತಿ ಸಾಮಾಜಿಕ ತಾಣಗಳಂತಹ ಅಂತರ್ಜಾಲ ಸಂಬಂಧಿ ವ್ಯವಸ್ಥೆಗಳಿಗಿವೆ.ವಯಸ್ಸಿನ ಅಂತರವಿಲ್ಲದೇ ಎಲ್ಲರನ್ನು ಆಕರ್ಷಿಸುವ ತಾಣಗಳು ಮನೆ-ಮನಗಳಲ್ಲಿ ಹಸುರಾಗಿವೆ.ಇವುಗಳ ಬಳಕೆ ಹೆಚ್ಚಾಗುತ್ತಲೇ ಇದೆ.ಒಂದು ಘಳಿಗೆಯೂ ಬಿಟ್ಟು ಇರಲಾರದಷ್ಟು ಪ್ರಭಾವ ಬೀರಿವೆ.ಭಾರತ ಫೇಸ್ ಬುಕ್ ಬಳಕೆಯಲ್ಲಿ ವಿಶ್ವದಲ್ಲೇ ಮೂರನೇ ಸ್ಥಾನದಲ್ಲಿದೆ. ಯುವ ಜನಾಂಗ ಈ ತಾಣಗಳ ಅತಿ ಹೆಚ್ಚು ಬಳಕೆ ಮಾಡುತ್ತಿರುವುದು ಗೊತ್ತಿರುವ ವಿಚಾರವೆ.ಗೆಳೆಯರ ಬಳಗ ಕಟ್ಟಿಕೊಳ್ಳುವ ಆಸಕ್ತಿ ಹೆಚ್ಚಿಸುತ್ತಿರುವ ಸಾಮಾಜಿಕ ತಾಣಗಳು ಓದಿನ ಮೇಲಿರಬೇಕಾದ ಗಮನ ಕುಂಠಿತಗೊಳಿಸುತ್ತಿದೆ ಎಂಬ ಅಭಿಪ್ರಾಯಗಳು ಕೇಳಿಬರು...

ಮುಂದೆ ಓದಿ »

-: ಮುತ್ತಿನ ಹನಿಗಳು :-

------೧------ ಚುಂ- ಬನಕ್ಕೆ ಲಗ್ಗೆಯಿಡುವ ಯುವ ಜೋಡಿಗಳು ಅದೆಂತಹ ಪ್ರಕೃತಿ ಆರಾಧಕರು..! ------೨------ ಹೂದೋಟದಲ್ಲಿ ಕಾಣದ ಪತಂಗಗಳು ಯಥೇಚ್ಛ ಮಧು ಸವಿಯಲು ಯುವತಿಯರ ಹಿಂದೆ ಬಿದ್ದಿವೆಯಂತೆ..!

ಮುಂದೆ ಓದಿ »

ದೀವಟಿಗೆ

Search This Blog