ದೀವಟಿಗೆ

ಧ್ವನಿಸಿದ್ದೆಲ್ಲವೂ ಸತ್ಯ,                                        ಪ್ರತಿದ್ವನಿಸಿದ್ದೆಲ್ಲವೂ ಮಿಥ್ಯ ದೇಶ ಸುತ್ತುವ ಉಪದೇಶಗಳು ಮಹಾನುಭಾವರ ನುಡಿಗಳು ತಿರು ತಿರುಗಿ ಬರುವಾಗ ಅವರಿವರ ಸೊತ್ತಾಗಿ ಬಿಡುತ್ತವೆ ಅಪರಾವತಾರವೆ ತಾನೆಂದಾಗ ಮುಗಿ ಬೀಳುವ ಜನರಿದ್ದಾರೆ ಜಾತಿ-ಧರ್ಮ ಕುಲಗೆಡಿಸಿ ಜರಿದು ಹೇಳುವ ವ್ಯಾಖ್ಯಾನಗಳಿವೆ. || ಧ್ವನಿಸಿದ್ದೆಲ್ಲವೂ ಸತ್ಯ|| ಅಹೋ ರಾತ್ರಿಯ ಹೋರಾಟ, ಬಡಿದಾಟ ಜನಪರ ಹಿತದೃಷ್ಟಿಯಿಂದ ಬಡಬಡಿಸುವ ಜೈಕಾರ,ಧಿಕ್ಕಾರ ಎದೆಗುಂದದೆ ಪಾಲ್ಗೋಳ್ಳುವ ಜನ-ಜಾತ್ರೆ ಕಿಂಚಿತ್ತೂ ಸ್ಮರಣೆಯಿಲ್ಲದೇ ಉರುಳುತ್ತವೆ ಶೀತಲ ಸಮರದಲ್ಲಿ ಮುಗ್ಧ ಜೀವಗಳು ರಕ್ಷಣೆಗೋ, ಭಕ್ಷಣೆಗೋ ನಡೆಯುತ್ತವೆ ನ್ಯಾಯ-ಅನ್ಯಾಯ ಮೀರಿದ ದಿಟ ಪ್ರತಿಭಟನೆ ||ಧ್ವನಿಸಿದ್ದೆಲ್ಲವೂ ಸತ್ಯ||